MATSALAR TATTALIN ARZIƘI

MATSALOLIN DA SU KA ADDABI RAYUWAR AURE (cont.)

8) MATSALAR TATTALIN ARZIKI
Allah shi ne cikakken Mawadaci kuma Abin Godewa. Duk sauran mutane kuwa masu buƙatuwa ne zuwa gare Shi. Wasu lokutan aure kan zo da camfi ko afkuwar matsalar ƙuncin rayuwa sanadiyyar nauyaye-nauyayen da su kan hau kan magidanta da kuma rashin samun ƙarin wasu hanyoyin damun kuɗaɗen shiga sannan da rashin tsarin kasafin kasashe kuɗaɗe da mu ke yi a yawancin lokuta. Wa su su fara canfa amarya da cewa mai farar ƙafa ce da makamantan waɗannan zantukn. Wannan na zama babbar barazana idan aka sami rashin fahimtar yanayin rayuwar musamman da ga ɓangaren mata.

Sau da yawa matsalar matsin tattalin arziƙi da ƙuncin rayuwa ta janyo macewar aure bida adadin. Wani magidancin ma idan garin ya yi masa zafi arcewa ya ke ya bar iyayen yarinya da ɗaukar nauyinta, idan abin ya tsananta kuma alƙali ya bata gaiba a kashe auren ɗungurungun.

Shwara ga matan da mazajen su su ka shiga wani hali na rayuwa ita ce su daure kada su dinga matsawa kan duk wasu abubuwan da ba dole ba ne a rayuwa. Su dinga nunawa mazajen su tausayin su da jinƙan su a fili, tareda taimaka mu su da duk abinda za su iya iya bakin ƙarfin su.
Duk macen da ta tausayawa mijinta a halin ƙunci zata sha mamaki idan daga baya Allah ya ƙara wadata su domin ɗan halak ba ya manta halacci. Wannan ya sa ake ganin wasu manyan attajirai kamar su na fifita matarsu ta lalle akan kowace mace saboda shi kaɗai ya san irin halaccin da ta yi masa lokacin da ake cikin halin fatara. Idan kuwa aka gamu da mai auri saki ma za'a ko da yaushe a cikin sauran ukun ake tarawa da ɗebewa amma ita ta ƙunshi ta na nan mutu ka raba takalmin kaza.

Kada ki dinga nuna ido ƴar uwa, ace komai ana jira sai miji ya nemo ya kawo koda kuwa yana cikin mahuyacin hali amma ke kuma kina da wadatar da za ki iya maganta wannan matsalar.
Koda yaushe mu dinga tuna cewa Allah ya kawo aure ne domin mazaje su dinga samun natsuwa da ga mata sannan kuma ya sanya ƙauna da jinkai tsakanin ma'auratan.

Allah don girma da sirrin da ke cikin  sunayenka Arrazzaqul-Fattahu Al-wasi'ul-Hakeemu ka yayewa duk ma'auratan da su ke cikin ƙuncin rayuwa saboda karayar arziƙi da kuma halin tsadar kayan masarufi da ake ciki a halin yanzu.
Mun gode sai kunji mu a wallafa ta gaba da ikon Allah.

@Lambun Ma'aurata

Comments

Post a Comment

Popular posts from this blog

SOYAYYA BATA RIƘE AURE

Image
SOYAYYA BA TA RIKE AURE Ko kun san me ya sa ango da amarya ke samun sabani jimm kadan bayan an shiga daga ciki? Babban dalilin shi ne cewa aure ba ya rikuwa da iya soyayya kadai. Eh abinda na fada hakan ku ka ji. Soyayya bata rike aure. Wannan batu 'mujarrabun' ne inji masu bada lakani. Za ku ga ma'aurata masu kaunar juna kamar daya ya hadiye dayan saboda tsabagen bege da yanda su ke son juna, amma da zarar an dan kwana biyu da shiga dakin aure wani ma har zage kwanji ya ke ya shirga mata dan karen duka. Wata kuma ko tsiwa da caccaba maganar da mitar amaryar ma ba sa iya barinsa ya komo gida sai ya tabbatar cewa ya na shigowa sai kwanciya barci. Dalilin da ke janyo haka kuwa shi ne cewa shi aure rayuwa ce ake son yi ta dindindin yayinda shi kuma neman aure da lovanyar waje duk flashing ne da kamfen irin na yan siyasa kafin zabe, to a daidai lokacin da kowa ya fahimci zahirin gaskiyar yanda ta ke sai ku ji an fara samun hatsaniya da korafe-korafe. Mafita  daya ce kowa ya dau...
Read more

HUTSUN MIJI DA MACE MAI TSIWA

HUTSUN MIJI DA MACE MAI TSIWA Babban abinda ya sa ake cewa Allah ya saɓa halaye a lokacin da aka ɗaura aure shi ne gudun irin wannan haɗin bautar tsakanin hutsun miji da miskilar mace ko kuma mai tsiwa. Idan tsautsayi ya sa aka yinrashin sa'a hakan ta faru kuma har aka je abin ya kai ga aure to fa sai a fara jan wuridin LA HAULA WALA QUWWATA.......
Read more

GIDAN AURE MAI CIKE DA HATSANIYA

GIDAN AURE MAI CIKE DA HATSANIYA Shin ku na cikin magidanta da su ke cacar baki a gaban yaran su? Idan ku na cikin masu yin hakan to akwai gagurmar matsala da saƙon da ku ke isarwa zuwa gare su. Yawanci dai bincike ya nuna cewa duk ma'auratan da su ke irin wannan halayyar to su ma Idan aka tsawaita bincike tasowa su ka yi su ka ga na su iyayen su na aikata irin wannan mummunan halin. Kun ga kenan hanya ɗaya da za'a iya takawa wannan abu burki shi ne ta dakatar da abin daga kan ku kafi ku cigaba da shuka shi ya na ƙara tofon girma da yaɗo a zukatan ƴaƴan ku inda su ma za su aikata hakan ga ƴaƴan wasu a nan gaba. Babu wata matsalar da tattaunawa ba za ta iya magance ta ba.
Read more